अमेरिकाको बोस्टनस्थित नर्थइस्टन युनिभर्सिटीमा कम्प्युटर इञ्जिनियरमा स्तानक गरिरहेका क्षितिज लोहनी, २१, ले अन्तरिक्ष (एज अफ स्पेस)मा पहिलोपटक नेपाली झण्डा फहराउन र राष्ट्रिय गान बजाउन सफल भएका छन् । बैशाख १७ मा पृथ्वीको सतहभन्दा ८० हजार फिटमा उक्त काम सफल भएको थियो । सुनौ उनको अनुभव :
नेपाली झण्डा हेलियम बेलुनमा राखेर पठाइएको थियो । खासमा मेरो उद्देश्य अहिलेसम्म जेट विमान उड्ने ३५ हजार फिट माथि मात्रै पुर्याउन सके हुन्थ्यो भन्ने थियो । तर त्यो भन्दा दोब्बर नै माथिसम्म बेलुन पुग्यो । जहाँबाट अन्तरिक्षको अन्धकार र पृथ्वीको आकार राम्रोसँग छुट्याउन सकिन्छ ।
मैले बेलुनमा एउटा नयाँ र दुईवटा बिग्रेर फ्याकेका क्यामेरालाई मर्मत गरेर
प्रयोग गरेको थिएँ । माथिको अत्याधिक चिसो, चापबाट बचाउन र सीमित उर्जामा
धेरै समय काम सम्भव गराउन तिनलाई आफ्नो योजना अनुकुल मोडिफाई गरें । दुई
वटाले तल र माथिबाट भिडियो खिच्थे र एउटाले तस्विर । त्यस्तै पुराना
बिग्रेका एन्ड्रोइड मोवाइलमा ग्लोबल पोजिसनिङ सिस्टम सेट गरेर निश्चित उचाई
लिएपछि राष्ट्रिय गान बजिरहने गराएँ । जमिन छाडेदेखि जमिन टेक्दासम्म ८० माइल यात्रा तय गरेको थियो । जसका लागि १ घण्टा ५८ मिनेट लाग्यो ।
विदेशमा बस्ने धेरै नेपालीले देशका लागि केही राम्रो गर्न खोजिरहेका हुन्छन् । पैसा र पहुँच हुनेले च्यारिटीदेखि अन्य सहयोग गर्छन् । मजस्ता विद्यार्थीलाई त्यो सम्भव हुँदैन । त्यसैले सिमित स्रोतबाट नेपालीलाई गर्व हुने केही काम गर्न खोजेको हुँ । यो कसैले नगरेको नयाँ काम भने होइन । तर इन्टरनेट र सोसल मिडियाको जमानामा सानै कामले पनि यो कुराले थुप्रै नेपालीलाई खुसी बनाएको छ । इन्डियाना जाने खर्च मेरा प्राध्यापकले हालिदिनुभएको थियो नत्र काम फत्ते गर्दासम्म मेरो झण्डै २५० अमेरिकी डलर मात्र खर्च भएको छ ।
भिडियो बनाउन मैले बेलुनमा एउटा नयाँ र दुईवटा बिग्रेर फ्याकेका क्यामेरालाई मर्मत गरेर प्रयोग गरेको थिएँ । माथिको अत्याधिक चिसो, चापबाट बचाउन र सीमित उर्जामा धेरै समय काम सम्भव गराउन तिनलाई आफ्नो योजना अनुकुल मोडिफाई गरें । दुई वटाले तल र माथिबाट भिडियो खिच्थे र एउटाले तस्विर । त्यस्तै पुराना बिग्रेका एन्ड्रोइड मोवाइलमा ग्लोबल पोजिसनिङ सिस्टम सेट गरेर निश्चित उचाई लिएपछि राष्ट्रिय गान बजिरहने गराएँ ।
उडान त्यतिधेरै असहज नभएता पनि सामान्य बेलुनमा त्यतिधेरै उचाई हासिल गरेपछि क्यामेरा आफूले भनेजसरी झार्न सहज थिएन । त्यसैले म इन्डियाना राज्यको फराकिलो फार्मल्याण्ड ‘फिसअर्स इन्डियाना पोलिस’ पुगेको थिएँ । जहाँको मौसमी लयलाई मैले ५ महिनाअघिदेखि पछ्याइरहेको थिएँ । अत्याधिक उचाई लिएपछि बेलुन फुट्थ्यो र केहीबेर फ्रिफल भई पछि प्यारासुटमार्फत झर्ने गराइएको थियो । नभन्दै १ माइल रेडियसमै ल्याण्ड भयो ।
 |
| View of Earth |
अहिले युट्युबमा मैले राखेको भिडियो सेयर गर्दै थुप्रैले मलाई नेपाली हुनुमा गर्व छ भन्दा मलाई सबैभन्दा बढि आनन्द लाग्यो । कतिले मलाई ‘अब देशमा केही हुन्छ’ भन्दै इमेल र फोन गर्छन् । मेरो सानो कामले थुप्रै नेपालीमा यस्तो आशा भर्न सक्नु नै ठूलो कुरा हो ।
 |
| View of Space |
First appeared in Nepal Magazine
No comments:
Post a Comment