अनलाइनमा चम्केका बिद्यार्थी नेता

"राजनीतिक जीवनको जग बसाल्ने विद्यार्थी राजनीतिको पुस्ता कसरी इन्टरनेटसँग हुर्कँदै छ त ?"

जतिखेर पछिल्लो अमेरिकी राष्ट्रपतिको निर्वाचनमा बाराक ओबामा फेसबुक र युट्युबलाई  माध्यम बनाएर प्रचारप्रसारमा व्यस्त थिए त्यसबेला अमेरिकाभन्दा सयौं माइल परको नेपालमा भूपेन्द्रजंग शाही, ३०, पनि चुनावी मैदानमै थिए । तर नेपाल विद्यार्थी संघको अधिवेशनबाट उपाध्यक्ष पद जितेका उनको त्यतिखेरसम्म फेसबुक एकाउन्ट भने थिएन । ‘नेपालमै भर्खर–भर्खर शुरु हुँदै थियो’, शाही सम्झन्छन्, ‘ओबामाको इन्टरनेट अभियानबारे मैले पनि त्यसबखत खुबै सुनेको थिए, तर ठ्याक्कै के भइराखेको हो बुझेको थिइन ।’

आफ्नो त्यसबेला रहेको इन्टरनेटबारेको बुझाई सम्झंदा अहिले उनी स्वयं दंग पर्छन् । नेवि संघ विगठन भएर नयाँ अधिवेशनको तयारीमा रहंदा भावी अध्यक्षका महत्वकांक्षी उनी अबको चुनावमा भने ४ बर्ष अघि ओबामाले गरे जसरी फेसबुकलाई आफ्नो प्रचारप्रसारको एउटा प्रमुख माध्यम बनाउँदै छन् । उनले थपे, ‘इन्टरनेटको शक्ति बल्ल राम्ररी बुझ्दैछु ।’ उनको फेसबुकमा मात्र अहिले झण्डै ५ हजार साथीहरु छन् । ५ हजार बढिलाई साथी बनाउन नसकिने हुँदा ६ सयजति रिक्वेस्टहरु त पेन्डिङमा छन् । भन्छन्, ‘छिट्टै फेसबुक गु्रप बनाउँदै छु’, ती गु्रपमा अब झन् बढि सकृय हुँदै आफ्ना विचारहरु उनकै शब्दमा ‘अनलाइन आमसभामा’ पोख्नेछन् । राजनीति गर्ने उनको धारणामा नै पछिल्लो आधा दशकमा धेरै परिवर्तन ल्याइदिएको छ, इन्टरनेट र सामाजिक सञ्जालहरुले । ‘अब मेरो धारणा वा विचार सार्वजनिक गर्न आमसभा वा पत्रकार सम्मेलन नै पर्खेर बस्नुपरेन नि’, उनी झन् बढि टेक्नो फ्रेन्ड्ली देखिए, ‘चुनावको बेला नमस्ते थाप्दै भोट मागेर विद्यार्थीका वास्तविक धारणा बटुल्नु भनेको त्यस्तै हो । बरु फेसबुकमा आएका प्रतिक्रियाहरु म कुल भएर हेर्न सक्छु ।’

प्रवेश ‘युद्ध’

आफ्नो उत्तर छान्नुस् । एउटा बेग्लै खाले परीक्षा जुन बजारमा ‘इन्ट्रान्स इग्जाम’ को नाममा चर्चित छ जसमा मात्र पास हुनु वा उच्च अंक नै ल्याउनु ठूलो उपलब्धी हुँदैन । निश्चित सीट सङ्ख्याका लागि दसौं हजार प्रतिस्पर्धीहरु भिड्ने त्यस्ता प्रतिस्पर्धात्मक परीक्षामा सफलताको मुख्य कारण के हुन्छ ? कडा मिहिनेत, लगनशिलता, उच्च आत्मविश्वास वा भाग्य । सबैका भिन्नभिन्न उत्तर होलान् तर यसको एउटै उत्तर पाउनु इन्ट्रान्समा नाम निकाल्नु भन्दा पनि कठिन छ ।

अहिले विज्ञानका विद्यार्थीका लागि एउटा बेग्लै मौसम चलिराखेको छ । धेरैले यसलाई युद्ध मैदान छिर्नुअघिको अन्तिम तयारीको रुपमा लिइराखेका छन् । यो त्यस्तो युद्ध हो जहाँ हजारौंलाई परीक्षामा नमारे आफूले अगाडि सोचेको एउटा बाटो शुरु नहुँदै अन्त्य हुन्छ । सायद त्यसैले पनि यस्तै परिवेशमा बनेको २००९ को बलिउड फिल्म ‘थ्री इडियट्स’ मा प्रोफेसर बिरुशास्त्र बुद्धेले सांकेतिक रुपमा आफ्ना विद्यार्थीहरुलाई भन्छन्, ‘लाइफ बिगिन्स विथ मडर ।’ अर्थात अरुलाई नमारेसम्म आफूले सोचेकोजस्तो एउटा जीवन सम्भव छैन ।

चिकित्सा संकाय (डाक्टर, नर्सिङ, आदि) वा इञ्जिनियरिङ पढ्नका लागि राम्रा कलेजमा नाम निकाल्नु विश्वमा जहाँ पनि एउटा कठिन काम मानिन्छ जुन दक्षिण एसियाली परिवेशमा झनै उच्च छ । नेपालकै परिवेशमा फर्कैं । एकपछि अर्को गर्दै विभिन्न विश्वविद्यालयको प्रवेश परिक्षाको लहर चलिराखेको छ । ‘ज्यान धेरै हल्का भएको छ, सायद आज म घर पुगेर २४ घण्टा सुत्नेछु’ काठमाण्डु विश्वविद्यालयको इञ्जिनियरिङ प्रवेश परीक्षा दिएर फर्कंदै गर्दा भेटिएका ज्ञानेन्द्र आचार्यले लामो सासमा भन्दैथिए, ‘भोलिदेखि फेरी पूल्चोक क्याम्पसको तयारी गर्नु अर्को महाभारत छंदै छ ।’ ज्ञानेन्द्रको अनुहारमा वेग्लै तनाव थियो । उत्तिकै थकित पनि देखिन्थे उनी ।

मौसम मेहन्दीको

काठमाडौंको शंकरदेव कलेज पुग्ने बित्तिकै लुना थापाका, २१, साथीहरु उनको हात हेर्न हतारिन्छन् । हातमा पोतिएका विभिन्न खाले ‘रंग’ र ‘शैली’का मेहेन्दी हेर्नु अहिले उनको कलेजमा अघोषित प्रतिस्पर्धा जस्तो नै भइसकेको छ । लुनाले हाँस्दै भित्री राज बताइन्, “हातमा मेहेन्दी गाढा बस्यो भन्ने भविष्यमा पतिले धेरै मायाँ गर्छन् फिक्का भए गर्दैनन् रे ।”

लुनाले भनेजस्तो प्रतिस्पर्धा मात्र मेहेन्दीमा केन्द्रीत छैन । भगवान शिवको ब्रतको लागि सबैभन्दा उपयुक्त महिना मानिने साउन शुरु भएपछि मेहेन्दी बाहेक हरियो चुरा, हरियो पोते, हरियो पहिरन    (साडि,कुर्ता सुरवाल) को लहर अहिले शहरदेखि गाउँसम्म फैलिएको छ । त्रिभुवन विश्वविद्यालयको नेपाल इतिहास, संस्कृति तथा पुरातत्व केन्द्रीय विभागकी प्रमुख प्राडा वीणा पौड्याल त्यसैले साउनको यो चलन धार्मीक आस्था र संस्कृतिभन्दा धेरै माथि उठिसकेको ठान्छिन् । भन्छिन्, “विश्वव्यापीकरण र प्रविधिको विकाससँगै यो एउटा सुन्दर फेसनको रुपमा नै फस्टाएको छ ।”

पहिले पहिले घरमा मेहेन्दीको पातलाई पिसेर लगाइने यो अहिले व्यावसायिक रुपमा नै अघि बढेको पाइन्छ । साउन शुरु नहुँदैदेखि काठमाडौंका ब्युटिपार्लरहरुमा मेहेन्दी लगाउने महिलाहरुको भिडभाड बढ्न थाल्छ । “केही दिनअघि नै बुकिङ गर्नुपर्छ”, कुपण्डोलस्थित एञ्जल ब्युटिपार्लरकी प्रोपाइटर रुपा बानियाँ क्षेत्रीले भनिन्, “यो महिनाभर महिलाहरु धेरै खाले मेहेन्दीमा सजिन खोज्छन् ।” सामान्यत: एकपटक लगाएको मेहेन्दी एक हप्तासम्म राम्ररी रहन्छ । त्यसैले साउन महिनाभर हातखुट्टामा मेहेन्दी खाली नराख्ने भनेर महिलाहरु हप्तादिन नपुग्दै स्टाइल फेर्न आइपुग्छन् । काठमाडौंमा अहिले दुई खाले मेहेन्दीको फेसन सबैभन्दा बढि चर्चित छन् । लहरा र पत्ताले भएको अरबिक फेसन अविवाहित र किशोरकिशोरीमा बढि चलेको छ । यो हत्केला र त्यसमाथिको हातको  एकातर्फ (नाडि) मात्र लगाउँदा बढि सुहाउँछ  । चुरा लगाइने हातको भागनेर  सबैतिर भरिनेगरी लगाइने जयपुरी फेसन विवाहित र बढि उमेर भएका महिलाहरुमा लोकप्रिय छ जुन खुट्टामा समेत उत्तिकै सुहाउँछ ।

ईभा ब्राउन अर्थात नेहा धुपिया

बलिउड अभिनेत्री नेहा धुपियाले हिन्दी फिल्म ‘गान्धी टु हिटलर’ मा तत्कालिन जर्मन तानाशाहा एडोल्फ हिटलरकी प्रेमिका इभा ब्राउन (पछि धर्मपत्नी पनि) भएर अभिनय गर्ने अवसर पाएकी छिन् । इभा ब्राउनको रहस्यमय र निरश जीवनशैली फिल्ममा उनको अभिनयमार्फत देख्न सकिन्छ । एक भारतिय अनलाईनलाई दिएको अन्तरवार्तामा उनले यस्तो अवसरलाई ‘कठिन चूनौति स्विकारेको’ बताएकी छिन् । भन्छिन्, ‘मानव इतिहासको एउटा कुख्यात पात्रको कोमल प्रेम आफैमा रोचक थियो र त्यसलाई अभिनयले न्याय गर्नु उत्तिकै कठिक पनि ।’

दोस्रो विश्वयुद्धताकाको परिवेशमा ‘नाजिजम्’ विरुद्ध ‘गान्धीजम्’ को कथाबस्तु समेटिएको यस चलचित्र महात्मा गान्धीले हिटलरलाई लेखेका पत्रहरुमा केन्द्रीत छ । आफ्ना केही पछिल्ला फिल्महरु ‘एक चालिसकी लास्ट लोकल’ र ‘मिथ्या’ मा ईभाजस्तै पात्रको अभिनय गरिसकेकाले पनि ‘गान्धी टु हिटलर’ मा उक्त चूनौति सामना गर्न आफूलाई सक्षम ठानेको धुपियाले बताइन् । ईभा हिटलरका सैन्य अफिसरहरुसँग पनि उत्तिकै नजिक हुन्छिन्, जसको कारण उनको भूमिकालाई वास्तविक जीवनमाझैं चलचित्रमा समेत रहस्यमै राखिएको छ । सदा हँसिलो र फरासिलो भइकन पनि उनको मुहारमा उत्तिकै उदासपन पनि भेटिन्छ । ‘र, मेरो चरित्रको सबैभन्दा जटिल भाग नै यही थियो । खुसी, उदास सबैको समिश्रण अभिनयमा देखाउने’, उनले भनिन्, ‘ईभाको अभिनय गरिसकेपछि म स्वयं वास्तविक जीवनमा पनि बढि बिनम्र हुन सिकेकी छु ।’


‘यसरी ऐतिहासिक व्यक्तिको जीवनमा अभिनय गनुअघि मैले ईभाको सन्दर्भ उल्लेख भएका इतिहासका धेरै पुस्तक र भिडियोहरु हेरें जसले मलाई उनको वास्तविक स्वभावलाई नजिकबाट आत्मसाथ गर्न प्रेरित पनि गर्‍यो’, त्यसले पनि दर्शकहरुले फिल्मले दिन खोजेको पाठलाई नजिकबाट बुझ्न सहयोग पुर्‍याउने उनले विश्वास राखेकी छिन् । यद्यपि फिल्ममा जर्मनहरुले पनि हिन्दीमै कुराकानी गरेको बिषयलाई आलोचकहरुले कमजोर पक्ष दर्शाइसकेका छन् । तर धुपियाको यसमा आफ्नै खाले तर्क छ । भन्छिन्, ‘दिल्लीको झोपडिमा हुर्केका केटाकेटीहरु स्लमडग मिलिनियरमा अंग्रेजी बोल्दा बहसको बिषय नठान्ने हामीहरु यहाँ त्यसैलाई ठूलो कुरा बनाइनुको कुनै अर्थ छैन ।’ फिल्मले दश मिनेट नाघ्ने बित्तिकै त्यो कुनै अनौठो नलागि सहज रुपमै अघि बढ्ने उनले बताइन् ।



हिटलरको प्रेमलाई फिल्ममा समेट्ने क्रममा त्यसले उनको व्यक्तिगत जीवनको पाटोलाई नजिकबाट देखाउन सफल भएको छ । त्यसमाथि बर्लिन शहरलाई अमेरिका–रसिया सहितको सैन्य टोलीले घेरिसक्दाको अन्तिम समयमा बंकरभित्र ईभासँग बिताएका क्षण र अन्तिम समयमा गरेको विवाहले क्रुर शासकभित्रको एउटा कोमल पक्षलाई देखाएको छ ।

‘मर्डर टु’ र ज्याक्लिन फर्नाण्डिज

बलिउड फिल्ममा पछिल्लो समय विदेशी कलाकारहरु बढि देखिन थालेका छन् । ‘मर्डर २’ मा पनि सेक्सी नायिका एवं ‘पूर्व मिस श्रीलंका युनिभर्स’ ज्याक्लिन फर्नाण्डिज अभिनेत्री छिन् । यसले उनलाई २००९ को बलिउड चलचित्र ‘अलादिन’ पछिको ठूलो भूमिका देखाएको छ । र, उनी धेरै हदसम्म कथाबस्तुलाई अभिनयमार्फत न्याय गर्न सफल देखिन्छिन् पनि ।

यद्यपि ‘मर्डर २’ २००४ को चर्चित फिल्म ‘मर्डर’ को सिक्वेल भनिएता पनि त्यससँग कुनै सम्बन्ध जोडिएको छैन । मर्डरकै मुख्य अभिनेता इमरान हासमीलाई अपवाद मान्ने हो भने ‘मर्डर २’ सम्पूर्ण रुपबाट कुनैको दोस्रो भाग नभएको जस्तो स्वतन्त्र चलचित्र हो । मात्र, मर्डरले २००४ मा पाएको नामलाई जोडेर चलचित्रलाई सहज प्रचार गर्ने नियतबाट यसलाई ‘मर्डर २’ नाम दिइएको छ । त्यसैले ‘मर्डर’ नहेरेका दर्शकका निम्ति पनि ‘मर्डर २’ कथाबस्तुका हिसाबले कुनै समस्या बन्ने छैन । यो अमेरिकी चलचित्र ‘अनफेतफुल’ र दक्षिण कोरियाली चलचित्र ‘द चेसर’ बाट प्रभावित देखिन्छ । यद्यपि निर्देशक मोहित शुरीले यसलाई भारतिय स्वरुपमा ढाल्न भने सफल छन् ।

प्रहरीको जागिर छाडेर गैरकानुनी काम मार्फत धेरै पैसा कमाउने उद्देश्यले अर्जुन (इमरान हासमी) भारतिय शहर गोवामा कालो धन्दा गर्ने दलालहरुलाई सघाइरहेको हुन्छ  । उता व्यावसायिक मोडल प्रिया (ज्याक्लिन फर्नाण्डिज) अर्जुललाई प्रेम गरिराखेकी हुन्छिन् । यद्यपि त्यो, प्रेम कम शारीरिक सम्बन्ध बढि हुने गरी बनिराखेको हुन्छ जसलाई अर्जुनले फिल्मकै शब्दमा ‘ना महोवत, ना जरुरत, सिर्फ आदत’ भनिराखेका हुन्छन् । एकदिन शहरमा देहव्यापार संचालन गरिराखेको एउटा व्यक्ति अर्जुनसँग सहयोगका लागि आइपुग्छ । क्रिसमस र नयाँ बर्षको अवसरमा ग्राहकसामु गएका उसका ४ ‘कल गर्ल’ हराइराखेका हुन्छन् जसले उसको व्यावसायले उत्कर्ष रुप लिने बेला समस्या सिर्जना हुन्छ । र, अर्जुनले त्यसको कारण पत्ता लगाउन गरेको प्रयासमा चलचित्रको कथाबस्तु घुमेको छ ।

ह्यारी पोर्टर र डेनियल रेडक्लिफ

मुख्य कलाकारहरु:
डेनियल रेडक्लिफ, रुपेट ग्रिन्ट, इम्मा वाटसन, मिचेल ग्यामबन
निर्देशक: डेविड येट्स
विधा: काल्पनिक थ्रीलर
भाषा: अंग्रेजी
समय: २ घण्टा १० मिनेट
रेट: ३.५/५

‘ह्यारी पोर्टर एण्ड द देथ्ली हालोज–२’ को रिलिजसँगै ह्यारी पोर्टर सिरिजले अन्तत: बिट मार्दा आम दर्शकहरुको मनमा दुईथरी नयाँ प्रश्नहरु खेलिरहेका छन्, ‘के अब ह्यारी पोर्टरको नयाँ सिक्वेल नआउने गरी नै सकिएको हो त?’, ‘अब डेनियल रेडक्लिफ (ह्यारी पोर्टरका मुख्य पात्र) के गर्छन् ?’ निजी जीवनमा डेनियल अन्तरमुखी स्वभावका हुनाले पनि धेरैले उक्त प्रश्नको सहज उत्तर अनुमान गर्न सक्दैनन् ।

जेके रोलिङको प्रशिद्ध पुस्तक ‘ह्यारी पोर्टर’ मा आधारित ह्यारी पोर्टर सिरिजले पछिल्लो एक दशकमा ८ वटा चलचित्रसँगै (यो ७ औं चलचित्रको दोस्रो भाग हो) विश्व चलचित्र जगतमा एक प्रकारको तहल्का नै सिर्जना गर्‍यो । यसबिचमा फिल्मसँगै उत्तिकै चर्चामा रहने गर्थे ‘ह्यारी पोर्टर’ अर्थात ‘डेनियल रेडक्लिफ’ । पहिलो सिरिज ‘ह्यारी पोर्टर एण्ड द फिलोसफर स्टोन’ शुरु गर्दा उनी भर्खर एघार बर्षका थिए जतिखेर फिल्मका निर्माता डेभिड ह्याइमेनले उनका अभिभावकलाई ‘ह्यारी पोर्टर’ पात्र छान्ने अडिसनमा डेनियललाई सहभागि गराइदिन अनुरोध गरेका थिए । तर त्यस सिरिजको सम्पूर्ण सुर्टिङ अमेरिकाको क्यालिफोर्निया र लस एञ्जलसमा हुने हुँदा अभिभावकहरुले छोरो धेरै नटाढियोस भनेर उनलाई थाहा नै दिएनन् ।

अडिसन चलिराखेकै बखत एकसाँझ निर्देशक क्रिस कोलम्बसले डेनियलको पहिलो काम ‘डेभिड कोपरफिल्ड’  (चाल्र्स डिकिन्सको उपन्यासमा आधारित बिबिसी वानको नाट्य सिरिज) को भिडियो हेर्ने अवसर पाए । ८ महिनाको दर्जनौं अडिसनपछि त्यसबेला निर्माण टिमलाई लाग्यो, ‘दिस इज द ब्वाय वि वान्ट । दिस इज ह्यारी पोर्टर ।’ हाइमेनले आफ्नो फिल्मको ह्यारी पोर्टर भेट्टाउँदाको क्षण यसरी सम्झन्छन्, ‘निला आँखा भएको ऊ जिज्ञासु, फुर्तिलो र हाँसिमजाक गरिरहने स्वभावको थियो । उसमा रहेको उदारता र मिठासको समिश्रण साँच्चिकै पूर्ण देखिन्थ्यो । त्यसबखत उसमा नयाँ ज्ञान प्राप्तीको प्यास समेत उत्तिकै थियो । र, ‘रियल लाइफ’ मा ति सबै कुराको समिश्रणले गर्दा ऊ ‘रिल लाइफ’मा ह्यारी पोर्टर बनेको थियो ।’

अहिले उनै डेनियल २१ बर्षका पुगेका छन् । ह्यारी पोर्टर सिरिजको अन्त्यसँगै उनी २०१२ सुपरनेचुरल थ्रिलर फिल्म ‘द उमन इन ब्याक’ देखिँदैछन् । ‘म पट्यारलाग्दो प्रेमकथाका फिल्म रुचाउँदिन जहाँ केटा–केटी बिछोडिन्छन, जुट्छन् र खुसी हुन्छन्’, उनले भने, ‘मलाई संघर्षले भरिएका कथामा अभिनय गर्न मन लाग्छ जो धेरै हदसम्म रोचक हुन्छन् ।’ त्यसैले आफूबाट रोमान्टिक फिल्म अपेक्षा नगर्न दर्शकहरुलाई भनेका छन् (जसले सायद उनका हार्डकोर केटी फ्यानहरुलाई धेरै निराश पारेको हुनुपर्छ) । उनी आफै साना कथाहरु पनि लेख्छन्, क्रिकेटका फ्यान हुन, अन्डरग्राउण्ड र पंक संगितका पारखी हुन् ।

छोटो समयमा नै उनी कसरी लोकप्रिय र चर्चित भइसकेका छन् भन्ने जान्न केही उदहारणहरु काफी छन् । २००९ मा ‘फोब्र्स’ पत्रिकाले निकालेको ‘सबैभन्दा प्रभावशाली तन्नेरी सेलिब्रिटी’ को सूचिमा उनी एक नम्बरमा परेका थिए । सोही बर्ष ‘द टेलिग्राफ डेलि’ले निकालेको सूचिमा समेत उनी जम्माजम्मी ३ करोड अमेरिकी डलर आर्जन गरेर बेलायतको धनी युवाहरुको सूचिमा १२औं नम्बरमा परेका थिए । र, सोही पत्रिकाले नै ह्यारी पोर्टरको सिरिज सकिंदासम्ममा उनले ७ करोड अमेरिकी डलर आर्जन गर्ने अनुमान गरेको थियो जुन सहजै नाघ्ने पछिल्ला केही दिनमा ह्यारी पोर्टरले पाएको उच्च व्यावसायिक सफलताबाट अनुमान गर्न सकिन्छ ।

सिरिजको अन्य चलचित्रमाझैं ह्यारी पोर्टरको मुख्य भाव ‘ह्यारी पोर्टर एण्ड द देथ्ली हालोज–२’ मा पनि उही छ– ‘विपत्तिमा पनि विवेकले सहि काम गर्ने ।’ त्यसका अलावा प्रभावशाली प्रस्तुती, वजनदार डाइलगले फिल्मलाई आकर्षक बनाएको छ । र, सिरिजको अन्तिम फिल्म भएकै कारण यसको रोचक पक्ष हामीले पछिल्ला बर्षहरुमा देखेका पात्रहरुको मिलन गराउनु पनि हो ।

यस भागमा भने ह्यारी पोर्टर तन्त्रमन्त्र पढाई हुने ‘हगवाट्र्स स्कुल अफ विचकाफ्र्स एण्ड विजार्डी’ मा पढ्न जान्छन् । यद्यपि त्यसको लागि उनले कुनै निवेदन दिएका हुँदैनन् । तर त्यहाँबाट उनलाई दुईपटक (पहिलोपटकमा हावाले च्यात्तिन्छ) भर्नाको पत्र आउँछ । त्यहाँ गएसँगै उनले तन्त्रमन्त्र सम्बन्धी ज्ञान पाउँछन् भने आफूमा रहेको शक्तिको बोध समेत बिस्तारै हुनजान्छ ।

जुकिपरका केभिन

"केभिन जेम्स आफ्नो छिप्पिँदो उमेरमा पनि सायद बढि रोमाञ्टिक र ‘फन्नी’ बन्न चहान्छन जुन उनको पछिल्लो फिल्म ‘जुकिपर’मा देखिन्छ"

केभिन जेम्सलाई २०११ को अप्रिलमा तेस्रो सन्तानको रुपमा पुत्रलाभ भएको थियो । यो खुसी सेलाउन नपाउँदै अहिले उनको २०११ कै तेस्रो काम, चलचित्र ‘जुकिपर’ रिजिल भएको छ जसमा उनी आफै प्रमुख अभिनेता, कथाकार र निर्माता छन् । त्यसैले यी ४६ बर्षे मोटाघाटा कलाकार अहिले आफ्नो व्यक्तिगत र सार्वजनिक दुवै छविका कारण बजारमा चर्चामा छन् । 

यद्यपि जुलाई शुरुमा रिलिज भएको हास्यप्रधान हलिउड चलचित्र ‘जुकिपर’ सबैखाले दर्शकको लागि भने होइन । तर जेम्सका ‘कोर दर्शक’ र ‘कमेडि’ का फ्यानले भने पक्कै यसलाई बढि नै रुचाउनेछन् । चलचित्र, उनले अक्सर प्रयोग गर्ने ‘हँसिमजाकका वाक्यहरु’, फिल्मको कथालाई सुहाउने ‘आकर्षक शारिरीक अपिल’ र ‘असल व्यक्तिको चरित्र’ वरपर घुमेको छ जसले उनको अभिनय र चलचित्रलाई उत्कृष्ठ बनाएको छ ।

चलचित्रमा ग्रिफिन किजले (केभिन जेम्स) एउटी महिला स्टेफिनलाई (लेसाइल बिब) प्रेम प्रस्ताव राख्छन् जुन किजको जीवनको पहिलो प्रेम हुन्छ । तर स्टेफिनको इच्छा भने आफूलाई एउटा व्यावसायिक मोडलको रुपमा स्थापित गर्ने हुन्छ जुन एउटा साधारण चिडियाखानामा जनावरहरुको रेखदेख गर्ने व्यक्तिको श्रीमती भएर सम्भव हुने देखिन्न र उनले प्रस्ताव अस्विकार गर्छिन् । तर किज जनावरहरुप्रति बढि नै स्नेह राख्ने कोमल मन भएका व्यक्ति हुन्छन् र उनी आफ्नो कामसँग रमाइराखेका पनि हुन्छन् । 

पाँच बर्षपछि किजको स्टेफिनसँगको भेटघाट उसको दाईको बिहे भोजमा हुन्छ । उसको  स्टेफिनप्रतिको मोह अझै परिवर्तन भइसकेको हुँदैन र पुन: प्रेम प्रस्ताव राख्ने सोच्छ । अचम्मले यसपटक भने स्टेफिनले किजको प्रस्तावलाई स्विकार्ने छाँटकाँट देखाउँछिन् । अब उसले स्टेफिनसँग रमाइलोसँग जीवन बिताउने कल्पना गर्न थाल्छ । चिडियाखानाको काम स्टेफिनले नरुचाउने हुँदा उनलाई खुसी पार्न त्यो जागिर समेत छाड्ने योजना बनाउन थाल्छ ।

पत्रकार बने अभिनेता

अघिपछि हुने उनको धपेडि समाचारको तानाबाना बुन्नमा हुन्थ्यो तर आजकल उनी समाचारमा आफै छाउन पनि थालेका छन् । कान्तिपुर टिभीका पत्रकार केबी राना मगर भाषाको चलचित्र ‘लाङ्घौ रोह’ (गाउको माया) मा मुख्य अभिनेताको भूमिकामा छन् जुन चलचित्र फागुन महिनाको दोस्रो साता रिलिज भयो ।

पर्यटन वर्ष २०११ को सन्दर्भ पारेर मगर संस्कृति एवं नवलपरासीका पर्यटकीय क्षेत्रलाई समेटेर ‘लाङ्घौ रोह’ निर्माण गरिएको चलचित्र निर्माण गरिएको छ जसमा युवाहरु उमेर छँदा विदेशीने र देशलाई योगदान दिन नसक्ने उमेरमा मात्र देश फर्कर्ने गरेको कथा समेटिएको छ । ‘राष्ट्रियताको बिषय समेटेर बनाइएको भएता पनि फिल्म उत्तिकै रोमाञ्चक र प्रेम प्रशंगहरु प्नि जोडिएका छन् ।’, पत्रकार तथा अभिनेता रानाले बताए । स्याङजा, तनहु, पाल्पा र नवलपरासीको राईकोट, धौवादी, जौवारी, भारतीपुर, बुलिङटार, डाडाझेरी, अर्खला गाबिसमा छयाङ्कन गरिएको चलचित्रमा नवलपरासीको पर्यटकीय क्षेत्र देवचुलीलाई विशेष आकर्षणको रुपमा देखाइँदैछ ।

नवलपरासीमा आफ्नो पत्रकारिता करिअरमा जमेका उनलाई चलचित्रको नायकको भूमिकामा देख्दा स्थानिय दर्शकहरु अचम्म मान्दैथिए । ‘नयाँ क्षेत्रको अनुभव गर्न पाउनु निकै रोमाञ्चक अनुभव रह्यो’, केबीले भने, ‘अझ त्यसमा आफ्नै मातृभाषाको चलचित्रबाट डेब्यु गर्न पाउनु झन् गर्वको कुरा पनि भयो ।’ मगर भाषाको चलचित्र भइकन पनि नेपाली सवटाइटल हुनाले मगर भाषा नबुझ्नेहरु पनि उत्तिकै रुचिसाथ फिल्म हेर्न आए । स्थानिय भाषाको चलचित्र भइकन पनि यत्तिको चर्चा यसअघि सायदै कुनै चलचित्रले बटुलेको थियो । अझ बढ्दो आधुनीकिकरणको  समयमा पछाडि परेको मगर संस्कृतिलाई कथाको बिषयबस्तु बनाइदा ‘लाङ्घौ रोह’ चलचित्र र वृत्तचित्र दुवै मान्न सकिने केबीको तर्क थियो ।

This appeared in print at Himal Khabar Patrika 'Chaitra-16-30' issue

सँगैसँगै हुर्किएका जोडिहरु

हेलो शुक्रबारसँगैसँगै सम्बन्ध गासिएका केही प्रतिनिधि जोडिहरु जसले आफ्नो सम्बन्धलाई प्रेम, विश्वास, साझेदारी र लगनशिलतासँगै  अघि बढाए

रमेश न्यौपाने/ प्रदीप बस्याल

अंग्रेजीमा ‘कन्सिट’ नाम गरेको एउटा शब्द बिम्बको रुपमा खुबै चर्चित छ जसको अर्थ ‘दुई फरक धरातलका बस्तुहरु जबरजस्त एक हुनु’ भन्ने हुन्छ । त्यही बिम्ब दिलिप पौड्याल, ३२, र उनकी जीवनसाथी शारदा गौतम पौड्याल, २७, सँगको जीवनमा धेरै हदसम्म मेल खान्छ, उनीहरुकै विचारमा । यद्यपि फरक धरातलमा आधारित रहेर स्थापित भएता पनि त्यो एउटा सुन्दर, सुखद र सफल जीवनको नमूना पनि छ । 

हेटौंडा स्कुल अफ म्यानेजमेन्ट एण्ड सोसल साइन्सेजमा अंग्रेजी बिभाग प्रमुख दिलिपको घर बाग्लुङ जिल्लाको दगातुम्डाडा गाउमा छ जहाँ उनी गाईभैंसी चराउदै र घासदाउरा गर्दै हुर्किए भने काठमाण्डुको सामाखुसी घर भएकी शारदाको बाल्यकाल भारतको देहरादुनमा बित्यो । त्यहीबाट स्कुले जीवन पूरा गरेकी उनी पछि काठमाण्डु आई त्रिचन्द्र क्याम्पसबाटै भूगर्भशास्त्रमा स्नातकोत्तर त सकिन् तर गाउ“बस्तीस“ग उनको लामो सामिप्यता कहिल्यै रहेन । जीवनको संयोग नै मान्नुपर्छ ती फरक धरातलमा हुर्किएका यी दुई अहिले श्रीमान–श्रीमती छन् । उनीहरुको मागी विवाह हो । ‘तर विहेको प्रशंग उठेपछि विहेपूर्व नै हामीबिच प्रेम सम्बन्ध स्थापित भयो ।’ दिलिपले भन्दैगर्दा साथै रहेकी शारदाले हास्दै जोडिन्, ‘त्यसैले मागी प्लस प्रेम विवाह ।’ होली मनाउन काठमाण्डु छिरेका यी जोडिसँग हालैको एक बिहान साटिएको झण्डैं ३ घण्टे गफगाफ आफैमा रोचक थियो । सायद कुनै सेलिब्रिटीको हुदो हो त ट्याब्लोइडहरुमा निरन्तर छाइरहने जस्तो । 

CITIZENS WITHOUT BORDERS

By PRADEEP BASHYAL

He will be here, will play some of his best numbers and leave people screaming "once more ...once more". It's been a long wait but, the wait is about to bear the sweetest fruit for we shall witness a history, the largest concert in the Nepalese territory. The tickets are a bit higher but I can bet my whole money that nothing will keep his fans from watching Bryan Adams rock his fans to the core of their heart. Nevertheless, the venue might not do justice to his fan followings since its peewee capacity to hold just 25000 audiences.

However, his visit couldn’t go controversy-free. People are raising issues regarding his concert-is it in Nepal’s capacity to hold such an extravagant event? Further, some music activists are claiming that it is a direct encroachment over Nepali music in the name of publicity of NTY. Unlike what they think, I see his visit as a glimpse of a reality, the way we have been globalised. Like the inter-connected web pages we have grown interconnected to every aspect of the globe. Do we want to be bound by borders these days?

Shakira and Richard Marxperformed in India recently and their event mangers didn’t even consider placing one here in Nepal. So, how does it feel to “being a Nepali” ego-like not even being noticed? Many thanks to Bryan that he considered Nepal worth his performance. I hope this sets a trend and we get to see more and more stars perform here in Nepal. Actually, a positive message reverberates back in the global arena if these stars perform here. An ugly tag of “post-civil-war country” might get wiped away from our country’s name. Since he uses the video footage of his concerts in his music videos this might serve as an opportunity to be seen.

QnA with Indira Joshi

इन्दिरा जोशी, गायिका

Q::  गायन कि मोडलिङ ?
A:: गायन । (खासमा म मोडन नै होइन क्या, केही फोटो सेसन के ग¥या थें मलाई त मोडल नै पो भन्न थाले )
Q:: स्कुल जीवन कि कलेज जीवन ?
A:: स्कुल जीवन
Q:: घुम्न जान बढि रुचाउने ठाउ ?
A:: बन्थली
Q:: मनपर्ने जनावर ?
A:: त्यस्तो विशेष नै त केही छैन । तर नि कुकुर बढि मन पर्छ
Q:: आफैले गाएको सबैभन्दा बढि मनपर्ने गीत
A:: त्यस्तो छैन । मलाई आफ्ना सबै गीत उत्तिकै मन पर्छ
Q:: प्रेम विवाह को पक्षमा कि मागी विवाहको ?
A:: त्यो त हरेक परिस्थितमा भर पर्छ
Q:: साथमा नछुटाउने ३ कुरा ?
A:: मोवाइल, आइपड र ह्याण्डब्याग
Q:: बढि हेर्ने टिभी च्यानल ?
A:: कान्तिपुर । ( तर आजकल टिभी नै धेरै हेर्न भ्याइराखेकी छैन )
Q:: बढि चलाउने वेवसाइट ?
A:: गुगल
Q:: कुन ब्राण्डको मोवाइल बोक्नुहुन्छ ?
A:: जि फाइब
Q:: सेक्स के हो ?
A:: जन्मसगै पाएको मानविय गुण

Filmi Chakkar-4

पिताको भूमिकामा छोरा

गायन क्षेत्रमा राम्ररी जमेका सत्यराज आचार्यले चलचित्रमा अभिनेताको भूमिका पनि निर्वाह गरुला भनेर सायदै सोचेका थिए । तर यस्तो समय आयो कि चलचित्रमा नायकको भूमिकामा उनीभन्दा उत्कृष्ठ विकल्प अर्को हुनै नसक्ने । आफ्ना पीता भजन शिरोमणि भक्तराज आचार्यको जीवनीमा बन्न लागेको नेपाली चलचित्र ‘आचार्य’मा उनी मुख्य अभिनेता छन् जहा उनले ‘भक्तराज आचार्य’ को भूमिका निर्वाह गर्नुपर्नेछ । ‘बुवाकोजस्तो अनुहार, स्वभाव र स्वर बढि मैसग मिल्नेहु“दा सायद मलाई छानिएको हो’, उनले हेलो शुक्रबारलाई बताए, ‘र, कसैको जीवनीमा आधारित रहेर बनाउन लागिएको यो पृथक धारको चलचित्र हो जसमा काम गर्नु आफैमा एउटा राम्रो अवसर पनि हो ।’

सिक्किमस्थित प्रवासी नेपाली रोशन राईले निर्माण गर्न लागेको ‘आचार्य’ लाई प्रशान्त रसाइलीले निर्देशन गर्दैछन् जसले अबको केही महिनामा एउटा गायकलाई नायकको रुपमा देखादैछ । यद्यपि नेपाली फिल्म जगतका लागि गायकबाट नायक बन्ने उनी पहिला व्यक्ति भने होइनन् । रामकृष्ण ढकाल (आर्शिवाद), प्रशान्त तामाङ्ग (गोर्खा पल्टन), निमा रुम्बा (कागबेनी) जस्ता चर्चित गायकहरुले पनि फिल्मका मुख्य भूमिकामा अभिनय गरेका थिए ।

Filmi Chakkar-3

रञ्जनाको अमेरिका चक्कर

फिल्म निर्देशक श्याम भट्टराई र रञ्जना शर्मा केही समय अघिसम्म मिडियाको आखामा खुबै छाएका थिए– दुईबिचको बिग्रीएको सम्बन्ध पुनः राम्रो भएकोमा । तर त्यसको धेरै समय नबित्दै केही अनलाइन सञ्चारमाध्यमहरुले अहिले ‘पुनः उनीहरुबिचको सम्बन्ध बिग्रिएको पो हो की ?’ भन्ने लख काट्न थाले । त्यसका पछाडि दुईवटा कारण थिए– श्यामले निर्देशन गरेको पछिल्लो फिल्म ‘च्यालेञ्ज’ मा रञ्जना नदेखिनु र एउटा कार्यक्रमका लागि अमेरिका पुगेकी रञ्जना अझै नेपाल नफर्किनु ।

तर श्याम भट्टराईले हेलो शुक्रबारसगको कुराकानीमा त्यस्ता आशंकाहरु झुट भएको बताए । ‘जतिखेर ‘च्यालेञ्ज’ शुरु हुदै थियो, त्यसको केही महिनामै रञ्जना अमेरिका जाने निधो पनि भइसकेको थियो’, उनले भने, ‘त्यसैले उनी फिल्ममा नखेलेकी हुन् ।’ त्यसबाहेक श्यामले ‘आफ्नो फिल्ममा सधै रञ्जना मात्र’ भन्ने आम आरोपलाई तोड्न पनि चहान्थे । उनका अनुसार रञ्जना अहिले अमेरिकामा ‘ग्रीन कार्ड’को प्रकृयामा छिन् जुन धेरै नजिक पुगिसकेको छ । ‘तर ग्रीन कार्ड पाउ“दैमा फिल्मी क्षेत्र र नेपाल भने उनले छाड्ने छैनिन्’, भने, ‘न त म नै अमेरिका जाने सोंचमा छु ।’ श्यामले थपे, ‘मात्र आउजाउको लागि सजिलो होस् भन्नका लागि हो र केहीबर्ष उतै संघर्ष गर्न सकियो भने त्यो पैसा अझ राम्ररी यही फिल्ममा लगाउन सकियोस् भन्नका लागि हो ।’

अक्षयकुमारका अनौठा फ्यान

बलिउड अभिनेता अक्षय कुमारको ज्याकेट उनका फ्यानहरुले च्यातिदिएका छन् । तर त्यो कुनै रिस वा आक्रोशले भने होइन । उनीसग हात मिलाउन र तस्विर खिच्न झुम्मिएका उनका केटी फ्यानहरुबिच भिडभाड र तानातान चल्दा त्यसो भएको हो । ऐश्वर्या राय बच्चन र अक्षय कुमारलाई राखेर बनाइएको हिन्दी फिल्म ‘एक्सन–रिप्ले’ को प्रमोशनका क्रममा उनी एउटा ‘नाइट क्लब’मा थिए । जहा अक्षय डिजेको रुपमा १९७० ताकाका हिन्दी गीतहरु बजाइरह“दा उनका फ्यानहरु निकै झुमिसकेका थिए ।

तर जब केही केटी फ्यानहरु उनीस“ग तस्विर खिच्न भन्दै नजिक पुगे जुन देखेर नाचिरहेका अन्य केटी फ्यानहरुको हुल एकैचोटी उनीमाझ पुग्दा त्यहा असहज वातावरण नै सिर्जना भयो जसलाई नाइट क्लबका सुरक्षाकर्मीले समेत नियन्त्रण गर्न सकेनन् । उनीसग तस्विर खिच्ने प्रतिस्पर्धाका क्रममा चारैतिरबाट अक्षयकुमार तानातानमा पर्दा अन्ततः उनले लगाएको ‘गोल्डन ज्याकेट’ नै च्यात्तियो । पछि भिडलाई नियन्त्रण त गरियो तर पनि अक्षय कुमार रिसाएनन् । उनी आफ्ना फ्यानहरुको अनौठो व्यवहार देखेर हा“सिरहेका थिए ।

ज्यासिकाको इच्छा

हलिउड अभिनेत्रीहरु धर्मपुत्र÷धर्मपुत्री राख्ने मामिलामा निकै रुचि राख्छन् । यस मामिलामा एञ्जेलिना जोली त अगाडि छिन् नै । तर अब अमेरिकी नायिका एवं टिभी कार्यक्रम प्रस्तोता ज्यासिका अल्बा पनि अगाडि आउदैछिन् । एक अमेरिकी टिभी कार्यक्रम ‘एक्ट्रिम मेकओभर’ लाई दिएको अन्तरवार्तामा भनेकी छिन्, ‘मेरो शरिरलाई पूरा ढाक्नेगरी चारैतिरबाट मेरा छोराछोरीहरु झुम्मिएको मलाई हेर्ने रहर छ ।’ त्यसो त उनी आफू ठूलो परिवारमा बस्न रुचाउने बताएकी थिइन् । ‘म धेरैजना भएको पारिवारमै रमाउन खोज्ने मान्छे हु’, ज्यासिका भन्छिन्, ‘मेरी आमा पनि धेरै बच्चाहरुबिच रमाउनु हुन्थ्यो र मलाई त्यो मन पथ्र्याे ।’
अमेरिकी फिल्म निर्माता क्यास वारेनस“ग २००८ विवाह गरेपछि अहिले उनको एउटी छोरी मात्र छिन् । तर पछिल्लो पटक आफ्नो टिभी कार्यक्रमका लागि जब उनी एउटा त्यस्तो घर पुगिन् जहा १३ जना बालबालिकालाई धर्म सन्तानका रुपमा पालिएको थियो । भन्छिन्, ‘त्यो परिवार आर्थिक रुपमा मध्यम खालको हुदा त त्यती धेरै बच्चाहरु हुर्काइरहेका थिए ।’ जसबाट आफूलाई निकै प्ररणा जागेको उनले बताइन् । केही समय अघि क्यास र उनले ३ देखि ४ वटा सम्म बच्चा जन्माउन सकिने बताएका थिए ।

Click Here for the e-paper view. #Hello Shukrabar

filmi chakkar-2

जीवनलाई दशैंमा पनि फिल्म

आफ्नो नियमित रुटिनलाई एकैछिन बिर्सेर दशैंमा केही नया गर्ने  सोच धेरैको हुन्छ । तर नायक जीवन लुइटेल भने यो बिदालाई पनि फिल्मस“गै जोडेर बिताउन चहान्छन् । ‘नेपाली बजारमा बिरलै किन्न पाइने केही मुभिहरु विदेशबाट साथीहरुले उपहार स्वरुप पठाइदिएका छन्’, जीवनले हेलो शुक्रबारलाई बताए, ‘तिनै पुराना र क्लासिकल फिल्म हेर्दैछु ।’ गृहनगर विराटनगरमा ५ दिनको फुर्सद मिलाएर जान लागेका उनले त्यहाको बसाइमा आधा दर्जन बढि पुराना फिल्म हेर्नेछन् । ‘नया फिल्महरु त हेरिराखिएकै हुन्छ, तर धेरै राम्रा फिल्महरु हामी मिस गरिरहेका हुन्छौं’, विदामा फिल्म हेर्ने योजना बनाएर बसेकालाई जीवन  सुझाउ“छन्, ‘सक्दो धेरै पुराना फिल्म हेर्नुस ।’  एकेडेमी अवार्ड पाएका त्यस्ता फिल्महरु हेरेर आफ्नो अभिनय अझ तिखार्नु उनले त्यस्ता फिल्म हेर्नु पछाडिको कारण रहेको जीवन बताउ“छन्  ।

धेरै कमाउने जोडि

हिपहप संगीतका अघोषित बादशाह कहलिएका जे जेड र उनकी श्रीमती वेयोन्स नोल्सले २०१० हलिउडमा सबैभन्दा धेरै कमाउने जोडिको कीर्तिमान दोहो¥याएका छन् । फोब्र्स पत्रिकाको निकालेको सूचिमा उनीहरुले २०१० मा मात्रै संयुक्त रुपमा १६ करोड २० लाख अमेरिकी डलर कमाएको बताइएको छ । लामो रोमान्सपछि २००८ मा विवाह गरेका उनीहरुको आम्दानीको स्रोत विश्वभर गरिने कन्सर्टहरु भन्दा अन्य बढी छ । उनीहरुको तस्विर राखिएको टिसर्ट विश्वमा धेरै बिक्री हुने ब्राण्डमध्ये एक हो । त्यसबाहेक क्रेडिक कार्डको कारोबार गर्ने अमेरिकी कम्पनी ‘अमेरिकन एक्सप्रेस’ र बियर ब्राण्ड ‘बुडविजर’ को उत्पादनहरुको प्रबद्र्धनमा सकृय भएर उनीहरुले त्यती कमाएका हुन् ।

फोब्र्स पत्रिकाले चलचित्र अभिनेता/अभिनेत्री, गायक/ गायिका र व्यावसायीक खेलाडिहरुमध्येबाट उक्त सूचि निकाल्ने गर्छ । जसमा अघिल्लो बर्ष पनि यिनी हिपहप जोडिकै अग्रता थियो । २००९ मा उनीहरुको १२ करोड २० लाख अमेरिकी डलर जोडेका थिए । आफ्नो संयुक्त वैंक खातामा उनीहरुले जम्मा गरेको रकम  यस्तो सूचि निकाल्दा गणना हुनेगर्छ ।
यी हिपहप जोडिलाई पच्छ्याउ“दै धेरै कमाउने दोस्रो जोडिमा ६८ बर्षिय अमेरिकी फिल्म निर्माता एवं अभिनेता हेरिसन फार्ड र उनले यसैबर्ष विवाह गरेकी ४५ बर्षिया अमेरिकी अभिनेत्री क्यालिस्टा फ्लोकार्ट परेका छन् । उनीहरुको पछिल्लो फिल्म ‘इन्डियाना जोन्स एण्ड द किङडम अफ डि क्रिस्टल स्कल’ लाई त्यसको मूख्य स्रोत बताइएको छ जसबाट संयुक्त रुपमा १२ करोड २० लाख अमेरिकी डलर कमाएका थिए । अहिले चर्चामा रहेको ब्राड पिट र एञ्जेलिना जोलीको जोडि भने ५ करोड ५० लाखको साझेदारी गर्दै तेस्रोमा कमाउने सेलिब्रिटी जोडीमा परेका छन् । 

अक्सफोर्ड युनियनमा प्रिटी जिन्टा

विश्वका चर्चित व्यक्तिलाई निम्त्याएर बहस गर्ने चर्चित कार्यक्रम ‘अक्सफोर्ड युनियन’ मा बलिउडको प्रतिनिधित्व गर्दै यसपटक अभिनेत्री प्रिति जिन्टा जा“दैछिन् । ३० हिन्दी सिनेमामा काम गरिसकेकी उनलाई राम्रो तर्क गर्ने क्षमता र अध्ययनशील स्वभावका कारण त्यो अवसर दिईंदैछ जहा“ उनले अक्सफोर्ड विश्वविद्यालयका विद्यार्थीहरुले राख्ने प्रश्नहरु सामना गर्नेछिन् । विश्वकै सबैभन्दा ठूलो फिल्म उद्योग बलिउडको एउटा सदस्य हुनुका पछाडि उनका अनुभव र ‘पुरुष प्रधान मुलुकमा महिला सेलिब्रिटी’ बारे अक्सफोर्स युनियन सोसाइटिका बिद्यार्थीले उनीस“ग प्रश्नोत्तर र बहस गर्नेछन् । उनलाई त्यहा मिहिनेत र लगनशीलताबाट सफलता पाउने व्यक्ति भन्दै ‘रोल मोडल’ का रुपमा प्रस्तुत गरिदैछ ।\
झण्डै २०० बर्षको इतिहा“समा अक्सफोर्ड युनियनले धेरै चर्चित व्यक्तिहरुलाई आफ्नो अतिथिको रुपमा बोलाइसकेको छ । युनियनले बेलायतका पूर्वप्रधानमन्त्री विस्टन चर्चिल, वर्तमान प्रधानमन्त्री डेविड क्यामरुन, पूर्व अमेरिकी राष्ट्रपति रिचार्ड रेगन, भौतिकशास्त्री स्टेफन हकिंङस, धार्मीक नेता दलाई लामा, मदर टेरेसाजस्ता चर्चित अनुहारस“ग बहस र छलफल गरिसकेको छ  । मनोरञ्जन जगतबाट पनि माइकल ज्याक्सन, क्लिन्ट इस्टवुड, मार्टिन सिनजस्ता चर्चित व्यक्तिहरु सहभागि भइसकेका छन् । 

via Hello Shukrabar (KANTIPUR)

Filmy chakkar-1

• Its all about rumor on Pojana Pradhan making a movie before tihar, 

• the current concert tour by Canadian recording artist Justin Bieber. It is Bieber's first official headlining tour where he wants to show that he loves to perform. There are going to be some cool tricks, some electronic things that haven't been seen before.

• 'Is ranbir kapoor and katrina kaif are boyfriend girlfriend?", a hot question from bollywood.

 Catch all its details from e-paper.